هیچ فکر ایلموردوم بو یره بیرده گلم من

ویرانه ده یوللاردا دیدوم بلکه ئولم من

قارداش باجیلیق رسمی اولارمیش بله ؟ قارداش 

قارداش ئولومی ضربه ویرارمیش بله قارداش 

قدیم بوکولوب باش آغاروب فکر ایلمزدیم

زینب بو بیابانه دوباره گله قارداش 

قرخا یاخون اطفالون حسین قرخا گلوبدی

قورخوم بودی قرخیندا ربابون ئوله قارداش 

ای کوینگی اللرده قالان ؛ دور سنه قربان

گلدی بو چوله شامه گیدن قافله قارداش 

آغ ساچلاریمی قبریوون اوسته سررم تا

قبین داشینی ساچلاریم الآن سیله قارداش 

نامحرم حسین یوخ باش آچوخ آغلارام ایندی

گلدی باجون هم آغلیا ؛ هم دینجله یارالی

گلدیم سو سپم گوز یاشیلان قبریوون اوسته

شرمنده ایدم آب فراتی بله قارداش 

گچدی ئورگیم ؛ گچدی باشون نوک جدایه

دوشدوم باشیوون آردیجا چولدن چوله قارداش 

وار علتی یاردیم باشیمی کوفه ده نیلوم

گوردوم بلشوب نیزه ده باشون کوله قارداش 

چوخدور یارام ؛ آننیم یاراسین فاش ایلدیم من

قالسون یارالار کوینگون آلتدا هله قارداش 

غساله منه غسل ویرنده بیله جکدور

هانسی یارالار زینبی گتدی دیله قارداش 

ویرانه بیر بلبل حسین ئولدی قفسده

ئولدوردوله گون ویرمدیلر بلبله قارداش 

ویرانه ده ئولدی بالوون قبنی قازدیم

نه هفته دوتا بیلوم اونا نه چله قارداش